Politikat e Trump duket se kanë prekur edhe sektorin e shëndetësisë, me Mbretërinë e Bashkuar që do të përballet e para me pasojat e këtyre ndryshimeve.
Wes Streeting Sekretari i Shëndetësisë ka paralajmëruar se vendosja e tarifave mund të ndikojë në prodhimin dhe furnizimin me ilaçe.
Ai tha se vendi ka pasur tashmë vështirësi në prodhimin dhe furnizimin me ilaçe ndërkombëtarisht, por shtoi se kjo mund të përkeqësohet nga tarifat 10% të vendosura nga SHBA.
Në një intervistë, ai theksoi se kjo do të shtonte një shtresë tjetër vështirësie për industrinë dhe se do të monitorohej me kujdes situata. Ai shpjegoi se disa faktorë janë në lojë kur bëhet fjalë për sigurimin e aksesit të qytetarëve në ilaçe.
