Një 26-vjeçar, banues në Durrës, është vënë në prangat e policisë së këtij qyteti pas tentativës për të vrarë me thikë një të ri tjetër, pas një konflikti mes tyre.
Është kryer arrestimi i shtetasit Andrea Shahaj 26 vjeç, banues në Durrës. Ai akuzohet për tentativën e vrasjes së 25-vjeçarit me iniciale E. B. 25 vjeç që ndodhet jashtë rrezikut për jetën.
Detaje të Policisë së Durrësit:
Specialistët e Sektorit për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasin:
- Andrea Shahaj 26 vjeç, banues në Durrës.
Më datë 26.06.2017, rreth orës 21:00, në lagjen Nr.18 Durrës pas një konflikti për motive të dobëta ka tentuar të vrasë me thikë shtetasin E.B. 25 vjeç, banues në Durrës.
I dëmtuari ndodhet në Spitalin Rajonal Durrës jashtë rrezikut per jetën.
Pas ndërhyrjes së shpejtë dhe të menjëhershme të Policisë është bërë e mundur të normalizohet situata, të identifikohet dhe arrestohet pak minuta pas ngjarjes autori I dyshuar.
Në cilësinë e provës materiale është sekuestruar mjeti I kryerjes së veprës penale (thika).
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale”Vrasja me dashje” e mbetur në tentativë dhe”Prodhimi dhe mbajtja pa leje e armëve të ftohta”parashikuar në nenet 76,22 dhe 279 të Kodit Penal.
(XH.A/SHUPLAKA)
Discussion about this post