The Independent shkruan se Shqipëria ka publikuar në internet informata të ndjeshme lidhur me agjëntë të saj, identitetin e tyre, automjeteve që përdorin, rolet, lëvizjet e udhëtimet dhe zakonet e përditshme. Sipas ‘The Independent’ kjo duket të jetë një shkelje e madhe dhe potencialisht e rrezikshme që mund të ketë pasoja ndërkombëtare.
Të dhënat e pagave dhe shpenzimeve janë të vendosura në tabelat në faqen e internetit të Ministrisë së Financave në Shqipëri, shkruhet në artikull.
Tabelat shpjegojnë emrat, pagat dhe shpenzimet e të paktën tetë operative të nivelit të lartë klandestin – disa që punojnë nën mbulimin diplomatik – në Belgjikë, Greqi, Kosovë, Itali, Maqedoni dhe Serbi.
Sipas artikullit zyrtarët e SHISH pranuan natyrën e ndjeshme të informacionit.
“Parimi është se çdo gjë në lidhje me agjencinë tonë duhet të jetë e fshehur, por duhet të ndjekim të gjitha këto rregulla dhe rregullore”, tha një zyrtar i SHISH. “Rregullat dhe rregulloret nuk na lejojnë të shpenzojmë paratë pa e raportuar.”
Inteligjenca dhe profesionistët e sigurisë thanë se shkelja mund t’i nxjerrë agjentët në pozita të ndjeshme të cenueshme ndaj mbikëqyrjes apo shantazhit nga organizatat armiqësore të zbulimit ose kriminelët që kërkojnë të depërtojnë në aleancën perëndimore.
(B.H/Faxweb)
