Në “Big Brother” ka ndodhur një sherr mes Olsi dhe Danielit dhe gjithçka ka filluar nga Fotinia. Gjatë lojës që banorët kanë këtë javë me topa-lufte, Firorentina ka goditur në fytyrë padashje Fotininë dhe kjo e fundit i thotë “Çfarë bën o bishë”, një fjalë që me sa duket ka vazhduar me veprime në banjo nga Danieli kundër Fiorentinës por që nuk janë shfaqur akoma imazhet.
Kjo e ka nxehur mjaft Olsin dhe ka shkruar të sqarohet me Fotininë dhe Danielin. Olsi i acaruar dhe mjaft i ngarkuar emocionalisht ka shpërthyer ndaj çiftit në fjalë.
“Fotini u vrave ca…Bishë Fiorentina ëëë?! Po javën e kaluar pse nuk ishte bishë Fiorentina. Si nuk të vjen zor nga llafet që ke nxjerr nga goja. Se me atë bishën fle unë, nuk fle ti. S’të vjen zor nga vetja”, i thotë Olsi, Fotinisë.
Por me një ton akoma më të ashpër ai ka folur kundër Danjelit. “Ti pusho ti, se të kam ndenjur si vëlla dhe kaluar vëllait. Të kam thënë edhe njëherë ti surrati jot se të kam ndenjur këtu me ty kur të gjithë të janë vërsulur”, i thotë Olsi Danjelit pasi ky i fundit ndërhyri mes tij dhe Fotinisë.
Situata ka agravuar dhe dy djemtë i janë ngritur në këmbë njëri-tjetrit dhe është dashur ndërhyrja e banorëve të tjerë për të qetësuar situatën. (J.V/Shuplaka)
Discussion about this post