Nuk kanë të sosur rastet e skandaleve që kanë përfshirë Vatikanin kohët e fundit. Jo pak raste janë publikuar në media duke hedhur hije dyshimesh mbi organizimin më të lartë të katolikëve në të gjithë botën.
Shumë prej tyre mbeten ende të pavërtetuara ndërkohë që mediat vijojnë të bëjnë punën e tyre në publikimin e historive.
Këtë herë bëhet fjalë që policia italiane ka zbuluar një orgji homoseksuale në dhomën e një prej kardinalëve më të afërt të Papa Françeskut.
“Il Fatto Quotidiano” shkruante dje se në një nga dhomat që o përket një kardinali shum ë të afërt me papën është zbuluar një orgji homoseksuale mes disa personave që ndër të tjera kishin konsumuar dhe lëndë narkotike.
Ngjarja ka ndodhur në muajin qershor por është mbajtur e fshehtë deri më sot, për t’ju shmangur skandalit, raporton gazeta italiane “Il Fatto Quotidiano”.
Kanë qenë banorët e një apartamenti pranë kardinalit ata që kanë denoncuar zhurmat e ccuditshme që çdo natë, deri sa policia i kapi në flagrancë, duke kryer orgji, pasi kishin konsumuar lëndë narkotike.
Ngjarja sigurisht që ka tronditur edhe vetë Papa Françeskun sepse dhoma në fjalë e banuar nga kardinali Francesco Coccopalmerio, është pronë e Vatikanit.
Ndër të tjerash përveç këtij rasti, skandali i fundit kishte të bënte me zyrtarin e tretë më të lartë të Vatikanit, shefin e thesarit të shtetit Papal, Kardinalin, George Pell, i cili është akuzuar për abuzim seksual me të mitur në vitet 1976-1980 kur ka qenë prift në Ballarat dhe në 1996-2001 ku ka shërbyer si Arqipevshk në Melburn.
(E.K/SHUPLAKA)
Discussion about this post