Avokati i popullit Igli Totozani ka shkuar me urgjencë pranë banorëve të komunitetit rom dhe egjiptian, për të ndjekur grevën e tyre pas përmbytjes së banesave Bregun e Lumit, Babrru- Paskuqan.
Totozani konstatoi kushtet e vështira në të cilat aktualisht ndodhen familjet rome dhe egjiptiane, kushte të papërshtatshme për gjendjen e tyre shëndetësore.
“Gjatë punës tonë, i kemi kushtuar një vëmendje të veçantë trajtimit të ankesave dhe problematikave që kanë të bëjnë me mbrojtjen e të drejtave të individëve dhe garantimin e një trajtimi sa më dinjitoz për të gjitha grupet shoqërore dhe ato vulnerabël duke përfshirë këtu edhe komunitetin rom edhe egjiptian”, u tha banorëve Totozani.
Institucioni i Avokatit të Popullit njofton ka ndërmarrë një proces hetimi ndaj këtij problemi mjaft shqetësues, për komunitetin e banorëve të Bregut të Lumit, që jetojnë në kushte shumë të vështira familjare dhe ekonomike por që ndihen të pasigurtë lidhur me kushtet dhe gjendjen e strehimit por edhe të shqetësuar nga mungesa e veprimeve nga organet e administrates publike.
Discussion about this post