Tre raste të trafikut të lëndëve narkotike, policia greke arreston 8 shqiptarë

Policia greke ka goditur tre raste të trafikut të drogës brenda një dite, gjatë kontrolleve në kufirin me Shqipërinë.

Në fshatin Kallpaq të Janinës janë ndaluar dy automjete, ku në njërin prej tyre u gjetën 104 kilogramë dhe 350 gramë marijuanë. Kjo sasi droge u gjet e fshehur në mjetin e parkuar, ndërsa mjeti tjetër, sipas policisë greke, shërbente për kontrollin e rrugës.

Policia ka arrestuar pesë persona janë arrestuar nga ky aksion, 2 shqiptarë burrë e grua (26 dhe 21 vjeç), si edhe tre shtetas grekë (dy femra 20 dhe 33 vjeç, dhe një burrë 33 vjeç).

Atyre iu sekuestrua edhe një pistolete.

Dy shqiptarë u kapen nga policia, në një tjetër kontroll të ushtruar në fshatin Ambelona të Filatit, në Igumenicë. Dy shqiptarët e moshës 30 dhe 34 vjeç u kapën teksa kalonin me këmbë kufirin duke transportuar 4 çanta me 87 kilogramë marijuanë.

Në tjetër rast shënohet po në Igumenicë, në Kristalopigi, ku u arrestuan katër shqiptarë të cilët po transportonin një çantë me 2 kilogramë dhe 120 gram marijuanë. Të arrestuarit janë të moshës 21, 22, 27, dhe 27 vjeç. Ata po mundoheshin të kaloninin kufirin me këmbë.