Kreu i KQZ-së Klement Zguri ka dalë në një deklaratë për mediat për të shpallur rezultatet paraprake të zgjedhjeve, ndërkohë që procesi i numërimit të votave ka mbaruar.
“Në rang kombëtar, rezultati paraprak përmban këto shifra. Ka 1 milion e 580 mijë 778 vota të vlefshme në total.
Votat janë ndarë sipas subjekteve të mëposhtme:
PS- 763 mijë 930 vota – 74 mandate
PD- 455 mijë e 481 vota, 43 mandate
LSI- 225 678, 19 mandate
PDIU- 75 mijë e 938 vota, 3 mandate
PSD- 9908 vota, 1 mandat
Partitë e tjera që nuk kanë kaluar rangun në total, kanë marrë 44661 vota në total ose 2.8% të votave të vlefshme.
Procesi është mbyllur brenda 48 orarëshit zyrtar. Përfitoj për të falenderuar të gjithë grupin e komisionerëve dhe vëzhguesve. KQZ do vazhdojë parashikimin e mëtejshëm të rezultateve.
Në emër të KQZ dua të shpreh publikisht, për mbarëvajtjen e procesit, incidentet mbetën të izoluara dhe nuk mundën ta njollosnin procesin. Dua të shpreh vlerësimin më të lartë për të gjithë zgjedhësit. Kultura e tyre është burim krenarie.
Një vlerësim i posacëm u shkon të gjithë aktivistëve, si edhe administratorëve, të cilët me punën e tyre i rritën vlerat procesit. Vëzhguesit ndërkombëtarë, kanë qenë burim sigurie dhe besimi. Duke i falenderuar dua t’u them se vërejtjet konstatimet e tyre do shërbejnë për bazë pune.
Nëse këto zgejdhje do të vlerësohen si arritje, merita e parë u takon atyre. Nga ana e KQZ dua të shpreh vlerësim dhe mirënjohje.
Sot vullneti i shqiptarëve u garantua zyrtarisht, vullneti i shqiptarëve u bë realitet, urime kanditatëve të zgjedhur, suksese!”, tha Zguri. (D.D/Shuplaka)
Discussion about this post