Deputeti i LSI-së Vangjel Tavo financon darkën e fundvitit të gazetarëve por një pjesë e tyre refuzojnë ftesën.
Një pjesë e gazetarëve nuk i kanë thënë dot ”Jo” deputetit që festonte edhe ditëlindjen e tij të 47-të, por ”Shuplaka” mëson se gazetarët e ”Top Channel”, ”Report TV” dhe ”News24” nuk kanë shkuar në këtë darkë.
Në ditëlindjen e Tavos, që mendohej të ishte festa për fundvit e gazetarëve ishin të pranishëm edhe Aleksandër Çipa i Unionit të Gazetarëve, kryebashkiakja e Gjirokastrës Zamira Rami dhe miq të tjerë. Me sa duket Tavo ka shfrytëzuar planin e gazetarëve për të qenë pranë tyre. Fillimisht të gjithë gazetarët në grup e kanë menduar ta financojnë me kursimet e tyre personale, por më pas u përfol se ishte gjendur një sponsor, emri i të cilit ka dalë në momentet e fundit. Me ta marrë vesh që ishte deputeti i LSI-së gazetarët e kanë bojkotuar darkën.
Në përgjithësi gazetarët e qytetit të gurtë e kanë financuar vetë darkën e tyre çdo vit, por kësaj radhe ka ndodhur krejt e kundërta. Ndërsa bilanci i një viti pune mungonte mes gazetarësh, ata që nuk mungonin në tryezën kryesore të darkës së gazetarëve ishin politikanë e qeveritarë. Mes gazetarëve që kanë pranuar të darkojnë me politikanët janë ata të ”TV Gjirokastra”, ”ALPO” etj. (V.G/SHUPLAKA)
Discussion about this post