Pas deklaratave të ambasadores së BE-së në Tiranë Romana Vlahutin ku tha se është e mahnitur nga suksesi në luftën kundër drogës në Shqipëri, ka reaguar ashpër Petrit Vasili.
Nënkryetari i LSI-së shkruan se dikush duhet të informojë ambasadoren Vlahutin për tonelatat e drogës që kapen përditë, madje këtë informim mund ta marrë edhe nga mediat e huaja. Vasili i kujton madje amasadores se drejton delegacionin europian në Tiranë dhe jo në Afganistan.
REAGIMI I PLOTË:
Ambasadorja Vllahutin na mahniti kur foli për drogën në Shqipëri dhe tha: “Megjithatë më duhet të them se ajo që kemi dëgjuar prej tyre është vërtetë e mahnitshme përsa i përket suksesit”.
Dikush duhet ta informojë ambasadoren Vllahutin për tonelatat e drogës, që kapen përditë. Këtë informacion mund t’ia japin dhe duke parelë mediat vizive, të shkruara dhe elektronike nga Gjermania, Franca, Anglia, Italia apo raportet e CIA-s, Europolit etj etj.
Të gjithë në Shqipëri janë të “mahnitur” nga dështimi i qeverisë dhe nga përmbytja me drogë dhe me krim, ndaj informojeni ambasadoren edhe për këtë meqënëse drejton delegacionin europian në Tiranë dhe jo në Afganistan.
Dikush duhet ta informojë edhe që është shtuar lufta kundër drogës si kusht tjetër për integrimin europian. (B.H/Shuplaka)
Discussion about this post