Në përleshjet e armatosura me ISIS, në kuadër të operacioneve “Mburoja e Eufratit” në El Bab, janë vrarë dy ushtarë opozitarë, është plagosur një tjetër, ndërsa gjatë luftimeve janë neutralizuar 13 terroristë dhe janë shkatërruar 158 objektiva të kësaj organizate.
Sipas Televizionit Shtetëror Turk, TRT, që citon burime brenda ushtrisë turke, janë eliminuar kërcënimet e paraqitura nga organizatat terroriste, ndërsa bëhet e ditur se operacionet e filluara më 24 gusht në veri të Sirisë për vendosjen e sigurisë së kufijve dhe përkrahjen e forcave të koalicionit vazhdojnë ende.
Në ditën e 126-të të operacioneve në fjalë grupet e forcave speciale të përbëra nga elementet e opozitarëve me përkrahje intensive nga toka dhe ajri vazhdojnë për vënien nën kontroll të qyteti El Bab.
Gjithashtu thuhet se me anë të sulmeve me artileri të rënda është bërë presion mbi organizatën terroriste ISIS, e cila pengonte avancimin e elementeve të Forcave të Armatosura të Turqisë.
Ekipet për zbulimin dhe çaktivizimin e mjeteve shpërthyese, të cila japin përkrahjen e tyre opozitarëve në zonat e spastruara nga ISIS prej fillimit të operacioneve e deri më sot kanë zbuluar dhe asgjësuar 2387 mjete shpërthyese artizanale shumica të kurthuara dhe 42 mina. (A.R/SHUPLAKA)
