Rreth tri muaj pas vdekjes së dyfishtë që u shënua në maternitetin “Koço Gliozheni” në kryeqytet ku humbën jetën 35-vjeçarja shtatzënë Aida Çajka dhe foshnja 9-muajshe, Prokuroria ka urdhëruar kryerjen e një ekspertize.
Pritet përgatitja e një grup pyetjesh për ekspertët e mjekësisë ligjore lidhur me përgjigjet e mjekëve për vdekjen e gruas. Do të hetohet nëse ka pasur mjekim të pakujdesshëm dhe neglizhencë.
Ekspertiza pritet të zbardhë nëse përgjegjësia ka qenë vetëm e mjekëve të maternitetit “Koço Gliozheni” apo nëse kanë gisht dhe ata të QSUT-së dhe Sanatoriumit.
Aida Çajka 35 vjeçe, ndërroi jetë më 16 shtator të këtij viti, pak pasi u tha se foshnja kishte lindur e vdekur. Viktima ishte në muajin e nëntë të shtatzënisë dhe për pak ditë do të sillte në jetë vajzës e saj. Rasti u komentua gjatë në media për shkak të sorollatjeve të shumta me të cilat u ndeshën shtatzëna dhe të afërmit e saj.
