Kanë dalë pamjet e para nga ambintet e spitalit Rajonal të Fierit, ku siç raportohet paraprakisht një i ri ka hapur zjarr dhe tre persona kanë mbetur të plagosur.
Siç shihet situata në spital paraqitet mjaft e rënduar, ndërkohë që është rrethuar nga forca të shumta policie.
Gazetarja e Fax Neës Fatmir Bajrami raportoi nga Fieri se përplasja me armë ka ndodhur pas një konflikti midis të rinjëve.
Konflikti ka nisur më herët mes dy grupe të rinjsh, në Levan të Fierit, të cilët janë goditur midis tyre me sende të forta.
Personat e plagosur kanë shkuar në spitalin Rajonal të Fierit për të marrë ndihmën mjeksore nga dëmtimet, por me pas një i ri nga grupi rival, ka shkuar i armatosur dhe ka hapur zjarr në ambientet e Urgjencës së Spitalit, raporton Faxweb, nga burime paraprake.
Policia ka mbërritur në vendgjarje dhe raportohet se ka arrestuar katër persona në lidhje me ngjarjen.
Ende nuk bëhen të ditura më tepër detaje mbi identitetin e të rinjëve apo shkakun e konfliktit.
(M.Q/Faxweb.al)
