Një sherr tjetër sherr ka ndodhur në Ksamil. Babë e bir, pronarë të një hoteli, kanë ushtruar dhunë fizike mbi dy klientë të tyre shqiptarë të ardhur nga Milano.
Policia ka nisur procedimin në gjendje të lirë për dy personat me inicialet S.Sh., 55 vjeç dhe A.Sh., 19 vjeç, të dy banues në Ksamil.
DETAJE:
Kjo pasi ditën e hënë, në njërën nga dhomat e dhënë me qira, janë konfliktuar për motive të dobëta dhe kanë ushtruar edhe dhunë fizike ndaj shtetasve A.T., dhe F.Xh., të cilët jetojnë në Milano, por ishin pushues në banesën e dhënë me qira.
Shkak për konfliktin mësohet se janë bërë mosmarrëveshjet për çmimin dhe kushtet e shtëpisë me qira. Ndërsa një tjetër ngjarje e ngjashme ndodhi dy ditë më parë po në Ksamil, ku pas një konflikti për motive të dobëta që një punonjës pati me pronaren e lokalit ku ishte i punësuar, u dhunua fizikisht nga dy vëllezërit e saj. Valter Lala, 27 vjeç dhe Elton Lala 41 vjeç, rrahën me sende të forta punonjësin Artur Murataj, 42 vjeç, banor i Ksamilit. (J.V/Shuplaka)
