Vllaznia firmos me 2 lojtarët brazilianë, kontrata deri në fund të sezonit

Skuadra e Vllaznisë ka firmosur mesditën e sotme kontratat për dy blerjet e rradhës. Bëhet fjalë për dy futbollistët me nënshtetësi braziliane, Hygor Guimaraes Goncalves dhe Wenderson Da Silva Soares. Lojtari i parë është 30 vjeç dhe ka një karrierë të gjatë si mesfushor në skuadrën e Brazilit dhe sezonin e fundit është angazhuar pranë një skuadre në Liban.
Nga ana tjetër, Wenderson posedon pozicionin e sulmuesit dhe kryesisht ka luajtur në vendin e tij. Kontratat e këtyre futbollistëve janë të disponueshme deri në fundin e këtij sezoni, me të drejtë rinovimi edhe për një tjetër.
Duket se dy futbollistët e rinj kanë filluar menjëherë të angazhohen duke zhvilluar seancën e parë stërvitore të tyre duke filluar nga mbasditja e sotme. KF Vllaznia i uron mirëseardhjen dy lojtarëve të rinj dhe shpreson që me stabilizimin e tyre me lojtarët e tjerë, do të jenë gati të arrijnë objektivat e klubit.