Është identifikuar njëri prej autorëve të dyshuar për grabitjen e një karburanti pak ditë më parë në Ibë. Ai është Ergit Shyti vetëm 20 vjeç, me banim në Tiranë të cilit i janë gjetur edhe si prova materiale tre telefona dhe një portofol me para.
Detajet e Policisë:
Identifikohet dhe ndalohet një nga autorët e vjedhjes me dhunë ,ngjarje e ndodhur më datë 04 .02 . 2017 në një pikë karburanti në zonën e Ibës. Më datë 13.02.2017 Specialistët e Komisariatit të Policisë Nr.1 në bashkëpunim me Prokurorinë pranë Gjykatës së shkallës Parë Tiranë ,kanë bërë të mundur ndalimin e shtetasit:
-Ergit Shyti, 20 vjeç, banues në Tiranë.
Ndalimi i këtij shtetasi u bë pasi u arrit të dokumentohet me prova ligjore se ky shtetas është një nga autorët e dyshuar të vjedhjes me dhunë në pikën e karburantit në fshatin Ibë ndodhur më datë 04.02.2017. Në cilësinë e provës materiale janë sekuestruar:
– Tre telefona të markave të ndryshme.
– Një portofol në të cilin gjendeshin njëqind e gjashtë dhjetë e një mijë lekë të vjetra dhe dhjetë Euro (valute ).
Specialistët e hetimit të krimeve po vazhdojnë hetimet për identifikimin e autorit të dytë të përfshirë në këtë ngjarje dhe vënien e tij para përgjegjsisë penale. Materialet i’u kaluan Prokurorisë pranë Gjykatës së Shkallës së Parë Tiranë për veprën penale të ‘’ Vjedhjes me Dhunë e kryer në bashkëpunim ‘’ parashikuar nga Neni 139 e 25 i Kodit Penal.
