Para pak minutash një vrasje ka tronditur kryeqytetin në zonën e Xhamllikut në kryeqytet ku pas disa të shtënave një person është gjetur i vdekur brenda mjetit të tij.
Kamera e Fax News dhe gazetari Sokol Dema ndodhen në vendngjarje ndërkohë që nga burimet brenda Policisë, viktima sipas burimeve por ende të pakonfirmuara është Santiago Malko-26-vjeç ish punonjës i Patrullës së Përgjithshme të Policisë së Tiranës.
Vrasja e Malkos ka ndodhur brenda makinës së tij, një BMW X5, dhe raportohet se viktima nuk është një emër i panjohur për drejtësinë shqiptare, pasi ka qenë pjesë e bandave kriminale
Ngjarja ka ndodhur në rrugën “Xhanfize Keko” tek “Xhamlliku”. Viktima është parë që nuk jepte asnjë shenjë ndërkohë burime për Faxweb.al bëjnë me dije se ka ndërruar jetë në vendnin e ngjarjes.
Nga informatat që mbërrijnë nga vendi i ngjarjes, mësohet se trupi i viktimës gjendet ende në mjetin ku është ekzekutuar.
Fillimisht u raportua se ai ishte i plagosur pasi nuk është kuptuar menjëherë gjendja e tij. Dyshohet se autori i krimit është larguar drejt zonës së “Freskut”, ndërsa nuk ka të dhëna momentalisht për rrethanat dhe shkaqet e ngjarjes nga dëshmitar që mund të kenë ndodhur aty.
Është për t’u theksuar se vendi ku ka ndhodhur krimi, ndodhet në një zonë mjaft të frekuentuar dhe të populluar në këtë orar në kryeqytet.
Nga të dhënat që vijnë nga terreni prej gazetarëve të Fax News, mësohet se kryeqyteti ndodhet në një “shtet-rrethim” për shkak të postoblloqeve të ngritura për të bërë të mundur kapjen e autorit të krimit të rëndë.
https://www.facebook.com/faxweb.al/videos/425280345003378/
Discussion about this post