Zbardhen detaje nga takimi Balla-Bylykbashi, i pari i zhvilluar mes tyre

Zbulohen detajet e takimit midis deputetit të Partisë Demokratike Oerd Bylykbashi dhe atij të Partisë Socialiste Taulant Balla.

Burime nga PD tregojnë për “Shuplaka-n”, se ky takim ka qenë i pari, në kuadër të pregatitjes së dialogut për krijimin e qeverisë teknike dhe mandatin e saj. Bylykbashi paraqiti kërkesën për dialog për qeveri teknike dhe për mandatin e saj.

Opozita shprehet e vendosur dhe nuk do të lëshojë “pe” në këtë drejtim. Ndërkohë priten ende takime të tjera në vazhdim, derisa të arrihet një marrëveshje.

Bylykbashi dhe Balla u takuan pasditen e sotme, fill pas takimit mes kryeministrit Edi Rama dhe kreut të LSI-së Ilir Meta.

Ky i fundit, në këtë takim vuri si kusht për vazhdimin e koalicionit me PS-në,  dialogun me opozitën në mënyrë që kjo e fundit të marrë pjesë në zgjedhje.

Duket se kryeministri ka nisur menjëherë përpjekjet e para, duke dërguar Taulant Ballën për bisedime. (D.D/Shuplaka)