Autoritetet greke më në fund kanë zbardhur vrasjen e një shqiptari të ndodhur rreth tri vite më parë.
Ngjarja e rëndë ka ndodhur në zonën Exarchia, ku mësohet se vrasja e 29-vjeçarit është kryer me porosi të një tjetër shqiptari.
Gazeta greke “Protothema”, shkruan se krimi ka ndodhur mbrëmjen e 24 nëntorit 2013, ku i riu shqiptar u gjet i vrarë me 6 plumba, ndërsa një person i dytë e kishte qëlluar atë me thikë në shpinë.
Mësohet se shkak për këtë ngjarje ka qenë rivaliteti midis dy grupeve për kontrollin e trafikut të drogës në zonën në fjalë.
Autori i krimit u arrestua gjatë këtij viti, nën akuzën për pjesëmarrje në organizata kriminale dhe shkelje të ligjit kundër drogë, pastrimit të parave dhe akteve të tjera të paligjshme. (D.D/Shuplaka)
