Ministri i Brendshëm Dritan Demiraj ka zhvilluar takime me përfaqësues të subjekteve politike dhe eksponentë të ndryshëm në prag të zgjedhjeve të 25 qershorit në qytetin e Shkodrës.
Fillimisht Demiraj ka takuar kandidatin për deputet të LSI, Agron Çela, teksa ka zhvilluar një bisede me të. Me pas ministri Demiraj është ndalur në zyrën e kryetares se bashkisë Shkodër Voltana Ademi, teksa ka qëndruar për rreth 30 minuta.
Ministri Demiraj është takuar edhe me përfaqësues të PD për t’u njohur me perceptimin e tyre për situatën aktuale. Demiraj u shpreh pas këtyre takimeve jashtë kamerave se ka qenë në Shkodër për takuar me drejtues dhe subjekte te ndryshme për zgjedhjet parlamentare.
Ministri tha se situata ne Shkodër është e qete dhe se subjektet politike nuk kanë shprehur ndonjë shqetësim apo problematike, ndryshe nga vitet e kaluara kur Shkodra ishte një zone e nxehte. Ai është larguar nga Shkodra pa u takuar me përfaqësues të PS, PDIU dhe PSD që po ashtu pritet të jene faktor në këto zgjedhje.
Kujtojmë se ministri Demiraj nuk duket të ketë marrëdhënie të mira as me kryeministrin Rama, aq sa nga marrja e detyrës me tyre nuk ka pasur asnjë takim.
(E.K/SHUPLAKA)
Discussion about this post