Një zjarr ka rënë në lartësitë e Malit të Gjerë të qytetit të Gjirokastrës. Dhjetëra forca vullnetare dhe nga ushtria, policia e PMNZSH janë në Malin e Gjerë për të shuar zjarret.
Drejtoria PMZSH Bashkia Gjirokastër ne orën 04.30 u nis për të ndërhyrë në shuarjen e vatrave të zjarrit që ndodhen në shpatin e Malit të Gjerë, të cilat po përparonin drejt qytetit të Gjirokastrës.
Pas 3 orë e 30 minuta rruge me këmbë duke u ngjitur në shpatin e Malit te Gjere, zjarrfikësit e Gjirokastrës dhe forca vullnetare filluan ndërhyrjen me mjete rrethanore pre shuarjen e vatrave të zjarrit. Në vendngjarje u konstatuan 4 vatra zjarri. Më shumë se 11 forca zjarrfikëse të Gjirokastrës, 34 forca vullnetare të Bashkisë Gjirokastër dhe 50 forca te ushtrisë po angazhohen në këtë aksion në shkallë të gjerë. Ne krye të këtij aksioni është vene drejtori i Përgjithshëm i Zjarrfikësve të Shqipërisë Arben Cara.
Discussion about this post