Pas një pushim dy-javor për shkak të virusit të gripit AH3N2 dhe temperaturave shumë të ulëta që prekën vendin me reshje dëbore dhe ngrica, mësimi për nxënësit e sistemit parauniversitar dhe shkollat e larta nis të hënën më 16 janar.
Ministria e Arsimit dhe Sportit njofton se ditën e hënë, datë 16 Janar 2017, do të nisë procesi mësimor i rregullt në të gjitha institucionet arsimore në Republikën e Shqipërisë.
“Ministria e Arsimit dhe Sportit bën me dije se ditën e hënë me datë 16 Janar 2017 do të nisë proçesi mësimor i rregullt në të gjitha institucionet arsimore në Republikën e Shqipërisë. Suksese”, thuhet në njoftimin e MAS-it.
Një ditë më parë u përfol se procesi mësimor do të shtyhej edhe me një javë tjetër, lajm ky që u mohua nga Ministria e Shëndetësisë. (A.R/SHUPLAKA)
