Vendosja e një çezme në projektin e rikonstruksionit të kalldrëmit është shndërruar në shqetësim për banorët, pasi duke qënë se ajo nuk mbart asnjë lloj vlere historike, për ta është e papërshtatshme për t’u vendosur tek rrugica që të çon tek Odoni. Edhe pse banorët e quajnë një projekt më shpenzime të mëdha, për drejtorin rajonal të kulturës është e kundërta.
Sipas drejtorit të Drejtorisë Rajonale të Kulturës Kombëtare Gjirokastër Vasil Polo projekti i rikonstruksionit të kalldrëmit përmbante dhe vendosjen e dy cezmave, por sipas tij pronari i godinës ku do të vendosej çezma nuk lejoi firmën ta vendoste dhe firma gjeti rrugën më të shkurtër duke e vendosur në mënyrë krejtësisht të pa përshtatshme.
Pas bujës në media sot ajo çezëm me bazament mermeri dhe që nuk mbart asnjë vlere historike është hequr dhe nuk dihet me çfare do të zëvendësohet nga firma zbatuese.
Burime të pakonfirmuara thanë se vlera e këtyre çezmave krejtësisht pa logjike mbi kalldrem shkonin në 1.5 milione lekë të rinj, por Vaso Polo në pozicionin e supervizorit të punimeve thotë se vlera është më e vogel dhe po sipas tij ende nuk është marrë asnje vendim për këto cezma.
