Për drogën e kapur në Velipojë ditën e djeshme, ‘’Fax News” publikon detaje të reja. Të arrestuarit për sasinë e drogës rekord të sekuestruar në Vilun të Velipojës, kanë mohuar të kenë lidhje me njeri tjerin gjatë marrjes në pyetje në komisiaritin e Shkodrës. ‘’Fax News” raporton se emri i shoferit nga Këlcyra është Fation Merko.
Burime pranë policisë së Shkodrës bejne me dije se ato kanë mohuar të kenë lidhje me trafikun e lëndeve narkotike. Sipas po të njejtave burime, mësohet se tëarrestuarve i janë sekuestruar celularët, ndërkohë që po punohet për identifikimin e emrave të cilët mund te jenë të rëndesishëm nëzbardhjen e porositësve të lëndes narkotike.
Sipas burimeve pranë bluve te Shkodrës mësohet se kemi të bejme me një grup të strukturuar kriminal, mes Shkodrës dhe Vlorës nga ku janë edhe te arrestuarit e operacionit të sekuestrimit të 1.5 ton kanabis gjatë së shtunës në Velipojë.
Grupi hetimor i ngritur në lidhje me këtë cështje pret tashmë zbardhjen e tabulateve telefonike për identifikimin e plotë të përsonave të përfshirë në këtë trafikim. Enriko Zyle (efektiv i policisë) Sokol Ujka, Arbër Bozhanaj, Genti Dano, Dervish Gjolekaj, J.B dhe F.M, personat e arrestuar dje në lidhje me sekuestrimin e 1.5 ton kanabisi të kapur në fashatin Vilun të Velipojës.
(E.K/faxweb)
Discussion about this post