Në prangat e policisë italiane kanë rënë një shqiptar dhe një italian. Ata janë arrestuar në Marcianise, afër Caserta, pasi janë kapur me mbi 1 kilogram heroinë të pastër. Sipas mediave italiane, në pranga është vënë shoferi italian 40 vjeç dhe pasagjeri shqiptar 38 vjeç.
Të dy të arrestuarit janë ndaluar nga Guardia di Finanza për kontroll, ndërsa policia gjeti të fshehur lëndën narkotike në makinë. Shqiptari dhe italiani kanë thënë se zbriten nga porti i Barit dhe vinin nga Shqipëria.
Gjatë kontrollit, shqiptari është përpjekur të fshehë një çantë, por kur efektivët kontrolluan gjetën të fshehur mbi 1 kilogram heroinë të pastër, të ndarë në 4 qese, vlera e të cilës në treg arrin në disa mijë euro. (J.V/Shuplaka)
Discussion about this post