E ftuar në ‘Fax News’ lektorja e Universitetit të Tiranës, Majlinda Keta thotë se sindikalizmi shqiptar është inekzistent. Keta tha se dita e sotme do duhet të ishte dita e korrjes së sukseseve të punës së një viti nga sindikata por nuk ndodh kështu pasi sindikata në arsim por edhe sindikalizmi në përgjithësi është i korruptuar.
Lektorja Keta thotë se e vetmja sindikatë që ndihet është ajo e policëve të larguar nga puna, duke shtuar se sindikalizmi është një ruajtës i të drejtave të punëtorëve dhe se ajo besonte se pas 28 vitesh në Shqipëri sindikalizmi do të kishte një mision të qartë dhe do të ndihmonte demokracinë.
“Unë kisha parasysh 364 ditët e vitit, sot do duhet të ishte dita e korrjes së sukseseve nga puna e e bërë në 364 ditë”, tha Keta.
Gjithashtu kritika shprehu edhe për sindikatën në arsim pasi siaps saj nuk funksionon siç duhet dhe mësuesit janë ato që e kanë pësuar nga reformat e ndryshme sa herë vjen një qeveri apo ministër. Ajo tha se sindikatat nuk ndihen në kohën e reformave kur bëhen, ndërsa akuza kishte edhe për qeveritë e këtyre 28 viteve pasi sipas saj kanë tentuar ti blejnë sindikatat.
“Sindikata e arsimit nuk funksionon siç duhet, sindikatat shqiptare janë të korruptuara në aktivitetin e tyre dhe misionit të tyre përndryshe do të kishim një rol shumë më të spikatur. E vetmja që hera herës ndihet është e punonjësve të policëve të liruar nga policia e shtetit. Sindikata do duhet të reagojë në kohën e reformave.
sindikatat janë të kapura po nga ato sëmundje të partive ku krerët e tyre ashtu si krerët e partive mbetet në krye, nuk shikon një njeri tepër cilësor dhe tepër përfaqësues. Në kohën e reformimit ne nuk kemi ekzistencë të sindikalizmit.
Pas 28 vitesh në shkollën sindikaliste duhet të ishte konkurente dhe me mision të qartë. Mësuesit janë ajo pjesë që kanë ndjerë fjalën reformë dhe kanë pësuar nga reformimet, që do të thotë pas 28 vitesh ne nuk kemi një status të mësuesit që politika mos ta kapë këtë sektor”, tha ajo.
(B.H/Faxweb)
