Saimir Tahiri bëri me dije se luftimi i dhunës në familje është një ndër prioritetet e Policisë së Shtetit gjatë vitit 2017. Ai u shpreh se është detyrimi i Ministrisë së Brendshme për t’u marrë me dhunën në familje dhe armëmbajtjen pa leje.
“Sa i përket dhunës në familje, jemi ende në fazën e zbulimit të këtij problem real në shoqërinë tonë. Gjatë vitit të kaluar janë proceduar mbi 3 mijë e 45 autorë, gati 1 mijë të arrestuar. Afërsisht 3 qytetarë të arrestuar në ditë për dhunë në familje.
Kjo është detyrë e një zinxhiri institucionesh. Më shumë se sa këto shifra që ulërasin vret heshtja e atyre që nuk denoncojnë dhunën në familje. Numri i vrasjeve në familje ka pësuar ulje por prapë mbetet i lartë. Dhuna në familje mbetet prioritet në punën tonë gjatë vitit 2017.”, u shpreh ministri Tahiri.
Duke u ndalur tek vrasjet, ministri i Brendshëm u shpreh se mbi 75% e vrasjeve të kryera janë për motive tre motive: motive familjare, të pronësisë dhe motive të dobëta.
Sa i përket rolit të Policisë së Shtetit në parandalimin dhe dënimin e vjedhjeve, Tahiri deklaroi se vjedhjet me armë janë 60% krahasuar me një vit më parë. “Është ulur numri i vjedhjeve të banesave, të lokaleve, të shkatërrimit të pronës me eksploziv. Kemi sipërmarrje, banesa dhe biznese më të sigurta. Qoftë duke trajtuar konfliktin që në fazën paraprake.”, tha më tej ministri. (XH.A/SHUPLAKA)
