‘’1 miliardë dollarë’’ e Ramës e nis nga shkollat: 20 ndërtesa të reja në kryeqytet, 150 të tjera në gjithë vendin

Kryeministri Rama ka qenë i pranishëm në takimin e organizuar nga Bashkia e Tiranës për projektin e ndërtimit të 20 shkollave të reja në kryeqytet. Në fjalën e tyre dhe Veliaj dhe Rama e vunë theksin te rëndësia e investimit në arsim, si një nevojë për të mbështetur dijen.

Rama ka prezantuar në këtë mënyrë programin e tij ”1 miliard dollarë” edhe për shkollat duke theksuar se investimi në arsim është investim drejt së ardhmes së vendit. 

‘’Është një nevojë për të përshpejtuar ritmin e rilindjes së të gjithë sektorëve. Nuk është një nevojë që mund të shtyhet për nesër. Pasi sot ata duhet të marrin një mësim të denjë. Ky aspekt ka një rëndësi të madhe. Ka në total 150 shkolla që do të ndërtohen në të gjithë vendin së bashku me 20 shkollat që do t’i shtohen Tiranës.

Falë programit ‘’1 miliard dollarë’’ do të bëhet realitet ëndrra e shumë prindërve që të kenë akses të njëjtë në arsim. Kjo shkon paralelisht me kthimin e Tiranës nga drejtimi i duhur duke shpenzuar gjysmë milioni euro për nxënësit me dhjeta. Në ndryshim nga katër vjet kur Bashkia e Tiranës u kthye në një fjetore’’, është shprehur Rama.