Pandemia e Covid-19 vazhdon të përshpejtohet në të gjithë botën, ” 1 milion rastet e fundit janë regjistruar vetëm në tetë ditë”, raportoi të hënën 22 qershor kreu i përgjithshëm i Organizatës Botërore të Shëndetit (WHO) , Tedros Adhanom Ghebreyesus.
“Ne e dimë se pandemia ëshë më tepër sesa një krizë shëndetësore ajo është gjithashtu dhe një krizë socio-ekonomike ku efektet e saj do të ndjehen për dekada me radhë “, shtoi ai në një konferencë virtuale të organizuar nga Emiratet e Bashkuara Arabe.
Shefi i OBSH gjithashtu u bëri thirrje qeverive dhe shoqërive që të përgatiten për pandemitë e mundshme në të ardhmen, të cilat mund të ndodhin “në çdo vend në çdo kohë dhe të vrasin miliona njerëz nëse shtetet nuk janë të përgatitur ”. “Ne nuk e dimë se ku ose kur do të ndodhë pandemia tjetër, por ne e dimë se do të ketë një ndikim të tmerrshëm në jetën dhe ekonominë botërore,” paralajmëroi ai.
Discussion about this post