1 orë e 9 minuta mjaftuan për krimin makabër, të gjitha pamjet e Elenës para se të vritej nga e ëma

Një orë e 9 minuta i janë dashur mamasë së Elenës, për vrasjen e 5-vjeçares, një nga krimet më të rënda të ndodhura së fundi në shtetin fqinj.

“Quarto Grado” në episodin e së premtes shfaqi pamjet e regjistruara nga një kamera sigurie e vendosur në rrugë, në të cilat shihet gruaja duke sjellë fëmijën në shtëpi, për të dalë sërish me të pas 24 minutash.

Në pamjet e transmetuara nga Rete 4, teksa nëna po shkonte për në shtëpi, shohim vogëlushen e ulur në sediljen e përparme. Ndërkohë, kur ato dolën sërish, ku nëna e saj me sa duket po e çonte në fushën ku u gjet kufoma, Elena ishte ulur në sediljen e pasme.

Kamera e vëzhgimit regjistron herën e tretë teksa kalon makina e Martina Patti: pikërisht një orë e nëntë minuta më vonë.

Këtë herë gruaja është e vetme, pa fëmijën dhe është nisur sërish për në shtëpi. Duart e saj ishin vendosur fort në timon dhe nuk duket se kishte asnjë shenjë nervozizmi nga ana e Martinës.

Shihni pamjet me VIDEO