10 biçikleta të vjedhura në Tiranë në 2 muaj, arrestohet i riu me precedent penal të mëparshëm

Është arrestuar në Tiranë një shtetas me precedent penal të mëparshëm. Efektivët e policisë së kryeqytetit kanë kryer arrestimin e 21-vjeçarit të identifikuar si Drilon Lila, nën akuzën e vjedhjes.

Ai akuzohet për vjedhjen e 10 biçikletave në Tiranë, akuzë për të cilën është vënë edhe më parë në pranga.

Pas ndalimit në flagrancë, ai ka pranuar përpara policisë autorësinë e këtyre vjedhjeve, të kryera përgjatë muajve Prill dhe Maj. Në cilësinë e provës materiale janë sekuestruar tre biçikleta të dyshuara të vjedhura nga 21-vjeçari. 

Detaje të policisë:

Zbardhen një sërë rastesh të vjedhjeve të biçikletave.

Në pranga një 21 vjeçar.

Më datë 30.05.2017, Specialistët e Komisariatit të Policisë Nr 2, pas një pune profesionale kanë bërë arrestimin e shtetasit në kërkim:

– Drilon Lila, 21 vjeç, banues në Tiranë, i dënuar më parë për vjedhje.

Nga hetimet e kryera është arritur ti dokumentohet me prova ligjore se është autor i dyshuar i vjedhjeve të 10 biçikletave, në zona të ndryshme të Tiranës dhe më konkretisht:

1. Më datë 18.04.2017, në rrugën “Abdyl Frashëri”, ka vjedhur biçikletën e shtetasit A. T.
2. Më datë 15.04.2017, në rrugën “Sulejman Delvina”, ka vjedhur biçikletën e shtetasit F. M.
3. Më datë 21.04.2017, në rrugën e “Kavajës”, ka vjedhur biçikletën e shtetasit B. D.
4. Më datë 18.05.2017, në rrugën “Sulejman Delvina”, ka vjedhur biçikletën e shtetases K. K.
5. Më datë 22.04.2017, në rrugën “Sulejman Delvina”, ka vjedhur biçikletën e shtetasit A. D.
6. Më datë 24.04.2017, në rrugën “Marko Boçari”, ka vjedhur biçikletën e shtetasit E. A.
7. Më datë 25.04.2017, në rrugën “Medar Shtylla”, ka vjedhur biçikletën e shtetasit O. Th.
8. Më datë 08.05.2017, në rrugën “Abdyl Frashëri”, ka vjedhur biçikletën e shtetasit O. Z.
9. Më datë 21.05.2017, në rrugën e “Kavajës”, ka vjedhur biçikletën shtetasit E. Q.
10. Më datë 28.05.2017, në rrugën e “Ibrahim Rugova”, ka vjedhur biçikletën shtetasit P. A.

Nga deklarimet e marra shtetasit Drilon Lila, ka pranuar kryerjen e këtyre vjedhjeve të sipër përmendura.

Në cilësinë e provës materiale janë sekuestruar tre biçikleta të dyshuara të vjedhura nga ky shtetas.

Grupi hetimor po punon për dokumentimin e disa vjedhjeve të tjera biçikletash në zona të ndryshme të Tiranës, ku ky shtetas dyshohet të jetë autor.

Materialet proceduriale i kaluan Prokurorisë së Rrethit Gjyqësor Tiranë, për veprën penale “Vjedhja”, parashikuar nga Neni 134 i Kodit Penal.

(XH.A/SHUPLAKA)