Dhuna ndaj grave, një shqetësim serioz në shoqërinë shqiptare. Nuk janë të pakta viktimat të cilat janë vrarë nga burrat apo ish-burrat e tyre, madje janë torturuar në mënyrë mizore për një kohë të gjatë.
Bilanci i vrasjeve të grave në vendin tonë është tragjik. Pothuajse çdo ditë raportohet dhunë ndaj grave madje edhe ekzekutim të tyre. Gjatë javëve të fundit 2 gra janë vrarë nga burrat e tyre. Kryesisht vrasjet bëhen me armë zjarri por edhe me mjete prerëse.
Sjellim në vëmendje që pasditen e djeshme dhjetëra qytetarë e aktivistë u mblodhën përpara Ministrisë së Drejtësisë, për të protestuar kundër dhunës ndaj grave, nisur nga rasti i vrasjes së gjyqtares Fildez Hafizi.
Qytetarët i kërkuan sot llogari këtij institucioni, për të gjitha rastet kur femrat shqiptare nuk kanë gjetur drejtësi në këtë sistem. Madje lyen edhe me bojë të kuqe, duke simbolizuar gjakun, gjakun e derdhur të Hafizit por edhe të grave të tjera shqiptare.
VIKTIMAT:
1- Fildez Hafizi
Gjyqtarja Fildez Hafizi u vra nga ish-burri i saj pak ditë më parë në zonën e “Xhamllikut” në Tiranë. Pas një debati të shkurtër Fadil Kasemi qëlloi dy herë me armë zjarri në drejtim të Fildez Hafizit, dhe kjo e fundit mbeti e vrarë. Kujtojmë që në 2015 gjykata e kishte dënuar Kasemin me tre vite burg por ishte liruar nga gjykata në prill të vitit 2016. Fildez Hafizi la dy fëmijë jetimë.
2-Natasha Kazanxhi
Pas debateve 55-vjeçari Tajar Kazanxhi vrau me sqepar gruan e tij Natsha Kazanxhiun. Ngjarja e rëndë ndodhi në fshatin Plug të Lushnjës. Gruaja humbi jetën në spital nga plagët e marrë në kokë. Ajo ishte nënë e dy vajzave.
3-Manjola Luzi
Më 1 Dhjetor të vitit të kaluar Rruzhi Luzi vrau bashkëshorten e tij me thikë, 49-vjeçaren Manjola Luzi, në banesën në fshatin Drizë të Kuçovës, ku të dy jetonin bashkë me fëmijët.Në banesën ku ndodhi ngjarja tragjike, kanë qenë edhe tre fëmijët, dy djem dhe vajza, të cilëve u është ‘trembur’ gjumi vetëm pasi aty mësynë efektivë të policisë që arrestuan babanë e tyre.
4-Afize Lila
Pas një debati me gruan Kasëm Lila ka vrarë me çifte gruan e tij në banesën e tyre në Ndroq. Po kështu ai plagosi edhe kunatën e tij. Kjo e fundit mori një plumb në shpatull por që shpëtoi.
5-Eltelva Ndoka
Krim pasioni. 28-vjeçarja me zanat parukiere u vra me armë në sallonin e saj në Lezhës. Etleva Ndoka ndërroi jetë në spital pas plagëve me armë zjarri që mori në gjoks. Ajo u vra nga Alfred Nikolli, 31 vjeç, i cili kishte lidhje intime me viktimë. 28-vjeçarja ishte e martuar dhe kishte një fëmijë.
6-Zhazivare Dervishi
74 vjeçari Veli Dervishi vrau me sëpatë gruan e tij Zhazivare Dervishin. Burri kreu aktin e rëndë pas një debati me gruan e tij. Ai deklaroi se gruaja e kishte ofenduar dhe e vrau duke u justifikuar se e kishte qëlluar për vetëmbrojtje. I moshuari u braktis në gjykatës nga të afërmit dhe fëmijët. Krimi i rëndë ndodhi më 28 gusht të vitit të shkuar në Golem.
7-Liljana Ruko
Liljana Ruko humbi jetën në mënyrë tragjike. Ngjarja ndodhi në qytetin e Fierit, ku 42-vjeçarja u hodh nga burri i saj Ferdinand Ruko nga kati i katër i pallatit. Ngjarja e rëndë ndodhi pasi ata të dy debatuan me njëri-tjetrin dhe ndërsa gruaja u fut në banjë, burri me forcë e hodhi nga dritarja.
8-Alketa Llapushi
Më 1 prill 2015 Agron Llapushi mbyti me duar në arë bashkëshorten e tij Alketa Llapushi 35 vjeç, nënë e dy fëmijëve. Sipas të dhënave grindja mes çiftit dyshohet të ketë ndodhur për motive xhelozie, çka ka sjellë edhe grindjen mes tyre.
9-Lumturie Xhilaj
Beqir Xhilaj 74- vjeçari nga fshati Guci e Re në Shkodër vrau gruan e tij Lumturie pasi e qëlliu 4 herë me çifte. Ai e ka pritur grupin hetimor në banesë dhe ishte ulur pranë kufomës së saj dhe pinte raki. Madje ka qenë vetë Xhelilaj që ka njoftuar policinë, duke thënë se bëhej fjalë për një vetëvrasje.
10-Ilda Dervishi
28-vjeçarja u vra nga burri i saj Admir Dervishi për arsye xhelozie. Bashkëshorti i saj me profesion gardist e qëlloi Ildën me armë zjarri për motive të dobëta, duke e lënë të vdekur në vend. Në momentin që ka ndodhur krimi, në banesën ku banonte çifti kanë qenë edhe dy fëmijët. (J.V/Shuplaka)
Discussion about this post