Dy ishin rastet që çuan në arrestimet më të fundit, ato të 10 punonjësve të policisë në Portin e Durrësit dhe 8 doganierëve në Durrës, Qafë-Thanë dhe Tiranë.
Rasti i parë ishte ai i sasisë prej 8 ton droge që u kap në Itali më 5 shkurt të 2017-ës, i cili rezultoi se kishte dalë nga pika e kalimit kufitar në portin e Durrësit.
Më 11 shkurt Drejtoria Qendrore e Shërbimit Antidrogë në Itali (DCSA) zbuloi detaje të reja lidhur me këtë rast të goditjes së trafikut të drogës. Policia e Shtetit njoftoi se sipas DCSA-së, organizata që ka kryer transportimin e lëndës narkotike drejtohet nga një maqedonas, por Shqipëria nuk ishtë e përfshirë.
Lajmi u mbajt për pak kohë i fshehtë për të bërë ë mundur gjurmimin e personave të tjerë të përfshirë në këtë rrjet. Sipas të njëjtave burime, droga kishte kaluar qetësisht edhe portin e Ankonës, por shoferi maqedonas i kamionit e kishte ndaluar atë në një pikë servisi.
Katër policë të Qafë-Thanës u vunë në pranga të dyshuar për veprën penale të “Trafikimit të lëndëve narkotike”: Çlirim Pepa, me detyrë përgjegjës turni; Ervin Kodra me detyrë kontrollor hyrje dhe dalje; Lirim Halili me detyrë tek kabina në hyrje; Syrja Terziu si kontrollor në hyrje.
Lidhur me arrestimin e tyre, burime të Prokurorisë së Krimeve të Rënda bënë me dije se një nga policët shihej në kamerat e sigurisë së doganës së Qafë-Thanës duke hyrë në kamionin që trasportonte drogën, ku fillimisht ai shihej duke marrë ose duke lënë diçka nga pamjet. Ndërsa shoferi maqedonas i arrestuar në Itali shihej duke komunikuar me shpesh me katër policët e prangosur.
Ndërsa rasti i dytë që penalizon 10 punonjësit e policisë dhe 8 doganierët është ai i 2.2 ton drogë kapur në Itali, fshehur në një kamion që drejtohej nga shofer shqiptar.
(XH.A/SHUPLAKA)
Discussion about this post