Ambasadori i Bashkimit Evropian në Tiranë Luigi Soreca, ka kujtuar 10 vjetorin e Shqipërisë në NATO, me anë të një statusi në rrjetin e tij social Twitter, ku shprehet se 10 vjetë më parë Shqipëria u bë pjesë e Marrëveshjes së Asocim-Stabilizimit, dhe që prej asaj kohe e deri tani ka bërë hapa të rëndësishme por ka ende shumë punë përpara për të bërë.
Më tej Soreca shprehet se tani është koha që partitë politike dhe shoqëria civile apo sektori privat të bëhen të gjithë së bashku për të nxitur më tej vendin për vendimin e ardhshëm të qershorit.
“10 vjet më parë, më 1 Prill 2009, hyri në fuqi Marrëveshja e Stabilizim-Asociimit BE-Shqipëri dhe Shqipëria filloi zyrtarisht udhëtimin e saj drejt Bashkimit Evropian. Në këto dhjetë vjet, Shqipëria ka bërë përparim të dukshëm në shumë fusha.
Ende ka shumë sfida, veçanërisht në fushën e sundimit të ligjit. Tani është koha që të gjitha institucionet shtetërore, partitë politike, shoqëria civile, sektori privat, të gjithë njerëzit të punojnë së bashku për të nxitur më tej vendin, edhe në pikëpamje të vendimit të ardhshëm të qershorit”, shkruan Soreca.
Discussion about this post