Prestigjozja amerikane The New York Times ka kujtuar 10 vjetorin e Pavarësisë së Kosovës nëpërmjet një foto të publikuar në faqen zyrtare në Instagram. Foto është realizuar nga fotoreporteri Andrew Testa, në vitin 1999, ku Kosova ishte pushtuar nga Serbia.
Në këtë shkrim New York Times tregon rrugëtimin e Kosovës që nga pushtimi Serb e deri në ditët e sotme.
“Unë kam ardhur për herë të parë në Kosovë, rreth 20 vjet më parë,” shkruan fotografi Andrew_Testa.
“Në vitin 1999, NATO ndërhyri në anën e rebelëve etnikë shqiptarë kundër forcave të Serbisë së Sllobodan Millosheviçit. Kam ardhur për të mbuluar luftën. Ndërsa bombardimet e NATO-s ranë, forcat serbe hapën një fushatë spastrimi etnik që çuan pothuajse një milion shqiptarë kosovarë, kryesisht myslimanë, nga shtëpitë e tyre” shkruan më tej fotografi.
“Serbia, me popullsi kryesisht kristian- ortodoks, shpejt kapitulloi dhe tërhoqi forcat e saj. Më pas, Kosova kaloi 9 vjet nën kontrollin e Kombeve të Bashkuara, një mburojë e mbikëqyrur ndërkombëtarisht.
Më pas, Kosova kaloi 9 vjet nën kontrollin e Kombeve të Bashkuara, një mburojë e mbikëqyrur ndërkombëtarisht”, tregon më tej fotografi.
Fotoreporteri Andreë Testa e ka vizituar shpesh Kosovën. Ai u vendos në kryeqytet ne Prishtinë, nga viti 1999 deri në vitin 2005.
Ishte viti 1999 që ai realizoi këtë foto të refugjatëve shqiptarë që largoheshin nga pyjet nën Gajre, ku ishin fshehur për 3 ditë nga sulmet me predha që po u bëheshin fshatrave të tyre.
Një dekadë më parë, rajoni malor, pa dalje në det, me më pak se 2 milion njerëz shpalli Pavarësinë nga Serbia. Megjithatë, pavarësia duket se ka sjellë në Kosovë një grup të ri problemesh.”
(M.Q/Faxweb)
