“100 mijë të vdekur në listat e Check Up-it, Beqaj po kërkon vrimën e miut ku të futet”

Ish-kryeministri Sali Berisha risjell në vëmendje çështjen aq shumë të debatuar të koncensionit të shërbimit të Check Up-it, të udhëhequr nga ministri Ilir Beqaj, i cili këtë të hënë u shkarkua nga detyra.

Sipas Berishës, Beqaj është i tmerruar nga burgu që e pret dhe e akuzon atë dhe Vilma Nushin se çdo vit vjedhin mbi 12 milion euro.

Ish-kryeministri shqiptar shprehet se Beqaj ka paguar Nushin për mbi 200 mijë check up-e që nuk janë realizuar kurrë, ku janë rregjistruar 100 mijë të vdekur në listat e atyre që e kanë kryer këtë shërbim.

DENONCIMI I BERISHËS

Hajn Beqja është i tmerruar nga burgu që po e pret!
Hajne Beqja është i tmerruar nga burgu që e pret për vjedhjet e mëdha me Check up-in e dështuar, me të cilin Rama -Beqja -ndrikull Nushi vjedhin cdo vit mbi 12 milion euro.

Pasi refuzimit masiv të qytetarëve për të bërë Check up-in, ai ka paguar ndrikull Nushin për mbi 200 mijë Check up-e që nuk janë bërë kurrë dhe ka regjistruar mbi 100 mijë të vdekur në listën e atyre që kanë bërë Check up-in? pra pas të gjitha këtyre Beqaj po kërkon vrimën e miut ku të futet për vjedhjet e tij të mëdha.

Kështu ai ka urdhëruar tani që Check up-i të bëhet tani në qendrat e punës dhe institucioneve publike duke detyruar punonjësit të bëjnë me detyrim atë. Për këtë qëllim të gjitha institucioneve dhe sipërmarrjeve publike dhe private u është dërguar shkresa që paraqitet në foton më poshtë.

Përvec kësaj, Beqaj i ka dhënë ndrikull Nushit dy dhoma në Urgjencën e Tiranës duke mashtruar stafin e larguar të Urgjencës se dhomat do iu jepen pronarëve! sb

“Përshëndetje doktor, Beqaj pasi ka dështuar plotësisht me Check up-in mbasi e shumë pak qytetarë e bëjnë check up nëpër qendra shëndetësore, edhe ata që e bëjnë në mënyrë të kundraligjshme detyrohen nga Stafi sepse nuk i kryejnë shërbimet e tjera (nuk ju japin formularët për patentë pa bërë check up, nuk i vizitojnë nëse janë sëmurë pa bërë check up etj), tani kanë menduar ta shpëtojnë duke përdorur administratë shtetërore. Ndërkohë, sipas një informacioni të djeshëm, Beqaj i ka dhënë Vilmës edhe 2 dhoma te urgjenca e Tiranës, ndërkohë që hoqi stafin prej andej se do ja jepte pronarëve.” (D.D/Shuplaka)