Rreth 100 persona mes tyre 50 fëmijë raportohet të jenë helmuar në Peshkopi e për pasojë i janë drejtuar spitalit rajonal për marrjen e ndihmës mjekësore të nevojshme.
Ndër ta, 15 fëmijë u raportua se janë shtruar në urgjencë pas simptomave që paraqitën. “Shuplaka” sjell pamje nga spitali rajonal i Peshkopisë, se si paraqitet situata. Të rritur dhe fëmijë të shtruar që shihen nën kujdesin e mjekëve dhe të afërmeve të tyre.
Paraditen e sotme u bënë me dije dyshimet e para mbi një pastiçeri të qytetit që dyshohet të jetë shkaktarje dhe që raportohet të jetë bllokuar në kuadër të hetimit. Ndërkaq, drejtori spitalit të Peshkopisë u shpreh se shkaqet e helmimit mund të jenë të shumta.
(XH.A/SHUPLAKA)
