Detaje të reja bëhen të ditura lidhur me helmimin masiv të ndodhur në qytetin verior të Peshkopisë, ku rreth 100 persona, mes tyre 50 fëmijë janë helmuar.
Nga të dhënat më të fundit, mësohet se dyshimet e para bien mbi një pastiçeri të këtij qyteti, ku banorët kanë shkuar për të blerë produkte të ndryshme, nga të cilat janë helmuar.
Pas konstatimit të rastit, Drejtoria e Shëndetit Publik ka marrë mostrat e embëlsirave dhe i ka dërguar në Tiranë. Në bashkëpunim me inspektoriatin e sigurisë ushqimore ka bllokuar pastiçerinë ku dyshohet se janë shitur tortat.
Ndërkaq, situata në spitalin rajonal të Peshkopisë vazhdon të paraqitet kaotike. Duke marrë në konsideratë kushtet e spitaleve rajonale në rrethe, shtrimi i 15 fëmijëve në urgjencë dhe kujdesi ndaj të helmuarve të tjerë është një situatë sfiduese e ndodhur sot.
(XH.A/SHUPLAKA)
Discussion about this post