Inspektoriati Shtetëror Shëndetësor ka gjobitur katër institucione arsimore jopublike për shkak se nuk kanë zbatuar urdhrin e Ministrisë së Shëndetësisë për t’u mbyllur për shkak të gripit.
ISHSH ka kryer inspektime në 93 çerdhe, kopshe jopublike dhe 39 shkolla dhe universitete. Pas kësaj ka arritur në rezultatin që katër institucione nuk kanë zbatuar urdhrin prandaj secili nga ato është gjobitur me shumën pre 100 000 lekë.
Njoftimi i ISHSH:
“Me qëllim ndjekjen e zbatimit të Urdhërit Nr.10, datë 07.01.2017 të Ministrit të Shëndetësisë Z. Ilir Beqaj, Inspektorati Shtetëror Shëndetësor ka kryer inspektime më datë 9 janar 2017 në 93 çerdhe dhe kopshte jo publike dhe 39 institucione jo publike të arsimit parauniversitar dhe universitar. Gjatë inspektimeve janë marrë 4 masa administrative me vlerë 100 000 lekë secila ndaj subjekteve të cilat nuk kanë zbatuar Urdhërin Nr.10, date 07.01.2017 të Ministrit të Shëndetësisë”.(D.D/Shuplaka)
