Këshilli i Ministrave ka miratuar amnistinë për të burgosurit, e cila u propozua nga ministria e Drejtësisë.
Drafti i propozuar nga ministria e Drejtësisë parashikonpërfitime për dhjetëra kategori të burgosurish. Kjo amnisti ka si risi se nuk do të përfitojnë përsëritësit e të njëtës vepër penale, të liruarit me kusht, apo ata që i janë shmangur drejtësisë.
Në amnistinë e miratuar së fundmi, përfitojnë mes të tjerëve edhe të dënuarit me dëmtime të përhershme fizike apo të diagnostikuar me sëmundje të rënda të pashërueshme.
Burime të Ministrisë së Drejtësisë shpjegojnë për “Shuplaka” se nuk është konfirmuar ende numri i saktë i të burgosurve që do të lirohen. Të njëjtat burime shprehen se mediat mund t’u jenë referuar shifrave të amnistive të mëparshme, por ende nuk janë publikuar shifrat zyrtare.
Deri tani flitet se 1,000 të burgosur do të lirohen duke iu falur plotësisht dënimi dhe 3,000 të tjerë do të përfitojnë ulje të masës së dënimit, megjithatë mbetet për tu parë nëse shifrat zyrtare do të jenë më të larta apo më të ulta. /SHUPLAKA
(Drafti i amnistisë publikuar nga “Shuplaka” ditë më parë)
Discussion about this post