Drejtues të lartë të policisë, deputetë, gjykatës dhe prokurorë janë bashkuar për të festuar 104-vjetorin e krijimit të Policisë së Shtetit.
Në këtë takim ka qenë i pranisëshm sigurisht Ministri i Punëve të Brendshme Saimir Tahiri, kryeprokurori Adriatik Llalla, drejtori i Policisë Haki Çako, kryetari i Komisionit të Sigurisë Spartak Braho dhe të tjerë.
Në ceremoninë e zhvilluar, ministri Tahiri shprehu mirënjohjen e tij ndaj të gjithë punonjësve të Policisë ndër vite për kontributin e tyre.
“Në këtë 104 vjetor dua të falenderoj të gjithë ata që kanë shërbyer ndër vite në Policinë e Shtetit. Shpreh të gjithë mirënjohjen tonë për të gjithë ata burra dhe gra që ndër vite kanë punuar në Policinë e Shtetit dhe kanë krijuar një standard shërbimi për të cilin ne sot kemi angazhimin për ta bërë Policinë shumë më të mirë, duke i shërbyer shumë më mirë qytetarëve. Dua të falenderoj të gjithë punonjësit e Policisë burra, gra, djem, dhe vajza që sot shërbejnë në Policinë e Shtetit, duke qenë më krenarë për atë që bëjnë e duke pasur një përgjegjësi më të madhe për shkak të besimit më të madh të publikut. Në këtë 104-vjetor Policia është institucioni më i besuar nga qytetarët shqiptarë. Dhe kjo është pa asnjë dyshim një përgjegjësi shumë më e madhe për të punuar më shumë, për të respektuar më shumë sakrificën e atyre që shërbejnë në Policinë e Shtetit, por mbi të gjitha për të respektuar çdo qytetar që investon besim te Policia e Shtetit dhe me plot të drejtë pret shërbim nga ne”, u shpreh Tahiri.
Gjatë festimit, Tahiri ka akorduar 5 medalje, nga këto 2 “Medalje Nderi” për dy Drejtues të Lartë të Policisë së Shtetit dhe 3 “Medalje Trimërie” për 3 punonjës të strukturës bazë.
Ndërsa drejtori i Policisë së Shtetit Haki Çako, ka akorduar 49 Çertifikata për “Shërbime të Dallluara” për drejtues dhe punonjës policie në qarqe të cilat janë shpërndarë në ceremonitë përkatëse të organizuara në të gjithë vendin. (D.D/Shuplaka)
[ngg_images source=”galleries” container_ids=”754″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post