Gjysmëhëna e Kuqe Libiane mohoi sot numërimin e 11.300 të vdekurve nga përmbytjet në Derna, që i atribuohen asaj nga Zyra e OKB-së për Koordinimin e Çështjeve Humanitare (OCHA).
“U habitëm kur pamë që emri ynë figuronte në këto numra. Ato rrisin konfuzionin, dëshpërimin e familjeve të të zhdukurve”, tha për AFP nga Bengazi përfaqësuesi i Gjysmëhënës së Kuqe Libiane, Tawfik Shokri.
Stuhia Daniel, e cila goditi Derna, një qytet me 100,000 banorë në Libinë lindore, nga mbrëmja e së dielës deri të hënën, shkaktoi thyerjen e dy digave, duke bërë që vëllime të mëdha uji, të përmasave të cunamit, të gëlltitnin gjithçka në rrugën e tyre.
Gjysmëhëna e Kuqe është një lëvizje humanitare ndërkombëtare me rreth 97 milionë vullnetarë në mbarë botën e cila u themelua për të mbrojtur jetën dhe shëndetin e njeriut, për të siguruar respekt për të gjithë qeniet njerëzore dhe për të parandaluar dhe lehtësuar vuajtjet e njerëzve.
Discussion about this post