Padyshim që arsimi i lartë në Shqipëri prej kohësh vuan nga probleme të mëdha. Diploma që jepen pa ndjekur studimet, universitete të paakredituar, studentë që kanë mbudhur tregun përtej kërkesave. Padyshim që të gjitha këto ndër vite e kanë shndërruar arsimin në një gangrehnë.
Gazetari Denis Dyrnjaja duke iu referuar një lajmi se 11 mijë diploma false qarkullojnë në vendin tonë është shprehur i tronditur.
‘’Nuk dua ta besoj që janë 11 mijë diploma false në qarkullim të lëshuara nga universitete publike dhe private sikurse qarkullon një lajm. Nëse është kështu ky është akti më i madh korruptiv masiv, sepse këta 11 mijë të diplomuarit, janë 11 mijë bomba sociale që marrin në qafë çdo ditë qindra mijëra njerëz aty ku dhe kanë zënë vende të pamerituara pune.
Të mendosh që shumë nga këta mund të jenë mësues pra duhet të japin dije të paditurit dhe mjekë ose infermierë që iu besohet jeta dhe shëndeti i njerëzve në duar!
Papërgjegjshmëria dhe babëzia për të fituar mund të kenë prodhuar një ndër skandalet më unikalë në botë!’’, shkruan Dyrnjaja. (E.K/SHUPLAKA)
