Barcelona e çoi në 11 pikë diferencën me Realin Madrid në javën që i paraprin ‘El Clasico’ së famshme të futbollit spanjoll. Për madrilenët ky nuk ka qenë starti më i mirë i këtyre viteve të fundit, e megjithatë deri në fund të sezonit do të mund të kenë shanset e tyre edhe në përballjet direkte.
Katalanasit shkatërruan 4-0 Deportivo La Korunjën në një përballje ku dominuan totalisht në stadiumin “Camp Nou”.
Lionel Mesi vendosi Suarez në një pozicion komod në rastin e avantazhit që skuadra blaugrana nuk e lëshoi më. Goli i dytë erdhi nga Paulinjo pak para pushimit, por galicianët u detyruan të vuajnë të njëjtën gjë në rinisjen e lojës.
Ishin të njëjtët autorë, uruguajani Suarez dhe braziliani Paulinjo që kompletuan goleadën e Barcelonës, që mund të kishte regjistruar një bilanc më të thellë nëse Mesi do të shënonte nga penalltia.
Të shtunën në orën 13:00 ‘El Clasico’ në tempullin madrilen, Reali do të presë katalanasit kryesues të La Ligës.
Po ashtu skudrat spanjolle do të kenë duele të vështira dhe në Ligën e Kampionëve teksa Reali do të përballet me francezët e PSG-së, ndërsa Barcelona do të përballet me anglezët e Chelsea.
(E.K/FAXWEB)
