Një rast i rrallë ka ndodhur me një shtetas skocez. David Brown nga Edinburgu kishte qëndruar në burg në Shqipëri për 11 vite i akuzuaR se kishte marrëdhënie me fëmijë. Ai kishte ngritur një qendër bamirësie në ndihmë të fëmijëve romë, po më pas u akuzua nga ata.
Por djemtë, tashmë të moshës 18 dhe 22 vjeç kanë pranuar se kanë gënjyer në atë kohë, pasi sipas tyre policia dhe një psikolog u kanë bërë presion atyre për të ngritur pretendime të rreme.
Rrëfimet e reja të dy paditësve në gjykatë do të çojnë kështu në lirimin e Broën.
Duke folur për Daily Mail nga qelia e tij e burgut, ai tha se do të qëndrojë në Shqipëri për të vazhduar misionin e nisur prej tij vite më parë.
Ndërkohë, njëri prej dëshmitarëve kundër Broën, Andon Qoshlli tani 22 vjeç tha se do të tërheqë provat që ai ka dhënë në gjykatë kur ishte 13-vjeç.
“Psikologu dhe oficeri i policisë më shtynë të them se David ka abuzuar me mua. Ai nuk e bëri dhe më vjen keq që ai është në burg. Unë dua ta shoh atë jashtë burgut dhe të përqafoj. David na mori nga rruga dhe na dërgoi në shkollë”, tha Qoshlli.
Ndërkohë, dëshmitari i dytë Denis Aliu thotë se ai ishte tmerruar kur ishte vetëm 6 vjeç, kur u keqtrajtua nga policia për të thënë se Broën kishte abuzuar me të.
“David nuk duhet të jetë në burg. Isha shumë i vogël në atë kohë dhe i thashë gjykatës atë çfarë më udhëzoi psikologu”, tha Denisi, i cili sot është 18 vjeç.
BroWn udhëtoi në Shqipëri në vitin 2000, pasi u përfshi në misione bamirësie
Ai ka ndihmuar fëmijët romë që lypin në rrugë dhe i ka mbështetur ato me ushqim dhe të holla.
Madje në lajmin e ‘’Daily Mail’’ thuhet se skocezi ka qenë një nga të burgosurit më të veçantë pasi merrte rregullisht gati 10 letra në ditë nga mbështetësit e tij. Këtë lajm e ka konfirmuar drejtuesi i burgut 302 Arben Malaj. Tashmë për të pritet vendimi final. (E.K/SHUPLAKA)
Discussion about this post