110 policë në aksion, shkatërrohet banda që transportonte kokainë nga Holanda në Itali. Në krye familja shqiptare

Nuk kanë të ndalur rastet kur shqiptarët janë të përfshirë në trafikun e drogës në disa vende të Europës.

Një superaksion është organizuar nga policia e Fierences këtë mëngjes në Itali. Mbi 110 policë janë përfshirë në operacion për të çmontuar një organizatë, e cila u zbulua nga ushtria në Firence, që trasportonte kokainë të importuar nga Holanda përmes Zvicrës.

Nëntë arrestime janë bërë në provincat e Firences, Lucca, Prato dhe Napoli. Sipas policisë, në krye të organizatës që drejtonte tregtinë e drogës, ishte një familje shqiptare që jeton prej disa kohësh në krahinën e Firences.

Identitetet e personave të arrestuar ende nuk janë bërë të ditur, ndërkohë që opoeracioni vijon për të zbuluar lidhje të tjera të trafikantëve. (E.K/SHUPLAKA)