Ende nuk ka asnjë të identifikuar apo të kapur lidhur me sasinë e madhe të drogës gjetur dhe sekuestruar një ditë më parë në Detin Adriatik.
Plot 74 pako të mbështjella me celefon, me peshë totale rreth 116 kilogramë u gjetën në “Kepin e Palit”, në breg të detit.
Materialet për këtë rast i janë kaluar Prokurorisë së Rrethit Gjyqësor Durrës.
Detaje të Policisë së Durrësit:
Specialistët e Seksionit për Hetimin e Narkotikëve në Drejtorinë Vendore të Policisë Durrës po punojnë për identifkimin dhe kapjen e autorëve, pasi:
Më datë 03.05.2017, në vijim të kontrolleve të ushtruara nga Shërbimet Bregdetare, në vendin e quajtur “Kepi i Palit”, në breg të detit janë gjetur dhe sekuestruar në cilësinë e provës materiale:
- 74 pako të mbështjella me celefon të tejdukshëm me lëndë narkotike e dyshuar e llojit Cannabis Sattiva, me peshë 115 kg e 900 gr.
Grupi hetimor vijon punën për zbulimin e origjinës së lëndës dhe zbardhjen e plotë të ngjarjes. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Trafikimi i lëndëve narkotike” parashikuar në nenin 283/a të Kodit Penal.
(XH.A/SHUPLAKA)
[ngg_images source=”galleries” container_ids=”1726″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
