Pas një viti që kur se ka filluar protesta e tyre, pikërisht më 3 Nëntor të vitit të kaluar, banorët e Astirit kanë dalë sërish sot në rrugë për të treguar vendosmërinë e tyre kundër qëverisë lidhur me shëmbjen e shtëpive të tyre.
Me slogane të ndryshme nëpër duar, banorët janë shprehur edhe sonte, se beteja e tyre do të vijojë ndërsa kanë realizuar edhe një video të cilën e kanë transmetuar përmes një video-projektori e ku shfaqeshin momentet më kulminante të protestës së tyre. Në të përfshiheshin arrestimet, përplasja me forcat e rendit, fljalimet më pikante dhe akuzatndaj qeverisë.
Ndërsa numri i tyre mbrëmjen e sotme ka qenë më i madh se zakonisht, protestës së banorëve I janë bashkuar edhe përfaqësues të opozitës së bashkuar përfshirë ish-deputetë, anëtarë të shoqërisë civile etj.
“Kemi një vit që jemi në rrugë dhe nuk ka njeri që të na dëgjojë. Këta tregojne se janë të zgjedhur nga krimi. Ne kemi një vit dhe nuk na dëgjon njeri që të zgjidhim hallin tonë. Kur qytetarët janë të bashkuar dhe nuk e ulin qafën, ata janë të fituar. Ne iu bëjmë thirrje qytetarëve shqiptarë që mos të largohen, por të shporrim këtë qeveri dhe të sjellim një qeveri tjetër që të dridhet nga vota e qytetarëve. Kauzat nuk fitohen nëpër kafe, duke parë televizor, por të bashkohemi dhe të shporrim këto politikanë. Unë jam krenar që kam qenë pjesë e juaj”, tha një qytetar.
“Rama nuk arriti t’i mposhte këto heronj dhe t’i shemb shtëpitë e tyre. Opizta e bashkuar kanë qenë në mbështetje të kësaj kauze, e kemi mbështetur këtë kauzë që në ditën e parë dhe do të vijojmë që ta bëjmë”, tha ish-deputeti, Klevis Balliu.
(F.GJ/FAXWEB.AL)
