Një 12-vjeçar i identifikuar si F. Gurakuqi humbi jetën ditën e djeshme në teksa ishte duke luajtur në akullin e krijuar mbi Liqenin e Kasharit në Tiranë. Në shoqërinë e së motrës 15-vjeçare që mundi të shpëtohej, i mituri pëfundoi duke u mbytur.
Ngjarja e rëndë që shënoi të dytin rast vdekje në vendin tonë për të njëjtin shkak, u shënua rreth orës 14:15. Vajzës E. Gurakuqi iu dha ndihma e parë në vendngjarje, e cila më pas u dërgua në spital për marrjen e ndihmës mjekësore të nevojshme.
Lajmi për vdekjen e të birit tronditi thellë Jolanda Gurakuqin, e cila sipas një portali online pësoi gjëndje të fikti dhe u dërgua me urgjencë në spital ku ndodhet në kujdesin e mjekëve.
Trupi i vogëlushit u nxorr dy orë më pas nga polumbarët e forcave RENEA, ndërkohë që babai nuk ishte i pranishëm për shkak se vuan dënimin me burg, i akuzuar për përdhunimin e së bijës, 15-vjeçares që arriti t’i mbijetonte mbytjes. (XH.A/SHUPLAKA)
