“120 minutat e paharrueshme” të Ramës, më në fund takon senatorin McCain

Pas Bashës, Metës dhe Nishanit, senatori amerikan John MC Cain më në fund takon edhe kryeministrin Edi Rama. Ky i fundit për këtë takim është shprehur se ka kaluar si “120 minuta të paharrueshme”.

“120minuta të paharrueshme me një mik të madh të shqiptarëve dhe një mbështetës besnik të Shqipërisë në rrugën e reformave që bëjnë shtet”, shprehet Rama.

Vizita e zyrtarit amerikan në Tiranë vjen në një kohë krize politike për shkak të protestës dhe bojkotit të opozitës, si edhe krizës PS-LSI. McCain vjen në Tiranë në kuadër të një turi në Ballkan. Gjatë ditës së sotme ai takoi kreun e Kuvendit Ilir Meta, kreun e opozitës Lulzim Basha, Presidentin Bujar Nishani dhe tani kryeministrin Rama.

Pas kryeministrit, McCain pritet të takojë edhe ministrin e Jashtëm Ditmir Bushati. (D.D/Shuplaka)